બાળકના ઉચ્ચ શિક્ષણમાં મેળવો 2,20,000 સુધીની સહાય…

સંવેદના સંસ્થા વર્ષ 2016 થી સમાજના વંચિત અને અસહાય વર્ગ માટે નિષ્ઠાપૂર્વક સેવા આપી રહી છે. જયારે નાગલધામ સંસ્થા વર્ષ 2014 થી સતત માનવસેવાના ક્ષેત્રમાં કાર્યરત છે, બંને સંસ્થાઓનો મુખ્ય હેતુ માનવસેવા છે. ખાસ કરીને બાળકોની સેવા અને શિક્ષણ, વૃદ્ધોની સંભાળ, અસહાય અને જરૂરિયાતમંદ લોકોને સહાય, ભૂખ્યા ને ભોજન, શિક્ષણ, આરોગ્ય અને સામાજિક જાગૃતિ જેવા અનેક ક્ષેત્રોમાં બંને સંસ્થાઓ સાથે મળીને કાર્ય કરે છે
આર્થિક સ્થિતિના કારણે પાછળ ન રહી જાય એ જ ભાવનાથી બંને સંસ્થાઓ વિવિધ સેવાકીય પ્રોજેક્ટો અને અભિયાન ચલાવી રહી છે.

પ્રેમાળ યોજના સંવેદના સંસ્થા અને નાગલધામ સંસ્થા દ્વારા શરૂ કરાયેલ એક વિશિષ્ટ યોજના છે, જેનો મુખ્ય હેતુ બાળકોના ઉચ્ચ અભ્યાસમાં આર્થિક સહાયતા પૂરી પાડવાનો છે. ઘણા માતાપિતાને તેમના બાળકોના ઉચ્ચ અભ્યાસ દરમિયાન આર્થિક મુશ્કેલીઓનો સામનો કરવો પડે છે. આ સમસ્યાને ધ્યાનમાં રાખીને સંવેદના સંસ્થા અને નાગલધામ સંસ્થા એ દાતાઓ સુધી બાળકોની માહિતી પહોંચાડી તેમને દાન માટે પ્રેરિત કરવાની એક અનોખી વ્યવસ્થા ઊભી કરી છે. આ ફંડ દ્વારા બાળકોને ૧૮ વર્ષની ઉંમરે શિષ્યવૃત્તિ પેટે આર્થિક સહાય આપવામાં આવે છે. આ સહાય બાળકના ભવિષ્ય માટે સંસ્થાનો પ્રેમાળ ઉપહાર છે.

તમારા સહયોગ થી મળેલી રકમ સંપૂર્ણ પારદર્શિતા થી અને બાળકો ના ઉજ્જવળ ભવિષ્ય માટે ઉપયોગ માં લેવાય છે.

આ યોજનામાં માત્ર 0 થી 5 વર્ષના બાળકો ની જ નોંધણી કરી શકાય છે. બાળકની ઉંમર ૧૮ વર્ષ પૂર્ણ થાય, ત્યારે તેને સંસ્થા તરફથી ઉચ્ચ અભ્યાસ ૨.૨૦ લાખની શિષ્યવૃત્તિ આપવામાં આવે છે. આ રકમ કોર્પસ ફંડ માંથી આપવામાં આવે છે અને તે પરત લાભાર્થી એ સંસ્થા ને પરત કરવાની હોતી નથી. બાળકના ભવિષ્ય માટે આર્થિક સુરક્ષા સુનિશ્ચિત કરવામાં આવે છે, જેથી તે પોતાના મનપસંદ ક્ષેત્રમાં ર્નિભયતાપૂર્વક આગળ વધી શકે.